ვებ-გვერდი მუშაობს განახლების რეჟიმში
 
საგარეო საქმეთა მინისტრი მიხეილ ჯანელიძე ჟენევის საერთაშორისო მოლაპარაკებების თანათავმჯდომარეებს შეხვდა

16.05.2017, თბილისი - 2017 წლის 16 მაისს საქართველოს საგარეო საქმეთა მინისტრი მიხეილ ჯანელიძე შეხვდა ჟენევის საერთაშორისო მოლაპარაკებების თანათავმჯდომარეებს ევროკავშირის, გაერო-სა და ეუთო- მხრიდან.

საუბრის თემას წარმოადგენდა ჟენევის საერთაშორისო მოლაპარაკებების სამომავლო პერსპექტივები. მინისტრმა თანათავმჯდომარეებთან განიხილა ჟენევის ფორმატის ეფექტიანობის გაზრდის გზები.

მიხეილ ჯანელიძემ ყურადღება გაამახვილა ჟენევის საერთაშორისო მოლაპარაკებების ფარგლებში ძალის არგამოყენების, უსაფრთხოების საერთაშორისო მექანიზმების შექმნისა და ლტოლვილთა და იძულებით გადაადგილებულ პირთა დაბრუნების საკითებზე პროგრესის მიღწევის აუცილებლობაზე. მინისტრმა ხაზი გაუსვა თანათავმჯდომარეების წამყვან როლს ამ მიმართულებით.

მიხეილ ჯანელიძემ აღნიშნა ასევე საქართველოს ოკუპირებულ რეგიონებში მიმდინარე უკანონო პროცესებზე საერთაშორისო თანამეგობრობის პრინციპული პოზიციისა და რუსეთის ფედერაციის მიერ ცეცხლის შეწყვეტის შეთანხმების შესრულების მნიშვნელობა. შეხვედრაზე სამივე თანათავმჯდომარემ დადებითად შეაფასა საქართველოს მთავრობის სამშვიდობო პოლიტიკა  და ძალისხმევა კონფლიქტის მშვიდობიანი გზით დარეგულირების მიმართულებით.

თავის მხრივ, მინისტრმა მადლობა გადაუხადა მათ მოლაპარაკებების პროცესში გაწეული ძალისხმევისათვის. 

 
 

მუდმივი წარმომადგენლის მისასალმებელი სიტყვა

მუდმივი წარმომადგენლის ბიოგრაფია

კვ ორ სა ოთ ხუ პა შა
  1 3 5 6
7 8 9 10 11 12 13
14 18 20
21 22 23 24 25 26 27
28 29 30 31      

 
საავტორო უფლებები დაცულია © 2005-2009 | საქართველოს საგარეო საქმეთა სამინისტრო
დამზდებულია ITDC–ის მიერ