ჟენევაში გაეროს განყოფილებასთან და სხვა საერთაშორისო ორგანიზაციებთან საქართველოს მუდმივი წარმომადგენლობა

სტაჟირების სახელმწიფო პროგრამის ფარგლებში, ქ. ჟენევაში გაეროს განყოფილებასთან და სხვა საერთაშორისო ორგანიზაციებთან საქართველოს მუდმივი წარმომადგენლობა აცხადებს 3 თვიანი ანაზღაურებადი სტაჟირების კონკურსს. აღნიშნული  პროგრამა მიზნად ისახავს სტუდენტებისა და კურსდამთავრებულების მხარდაჭერას პროფესიული ცოდნისა და გამოცდილების შეძენის, პრაქტიკული უნარ-ჩვევების გამომუშავებისა და კვალიფიკაციის ამაღლებისთვის.

2026 წლის 7 ოქტომბერს, ჟენევაში, გაეროს ადამიანის უფლებათა საბჭომ რეზოლუცია - „თანამშრომლობა საქართველოსთან“ მიიღო, რომელიც საქართველოს ოკუპირებულ რეგიონებში არსებული ადამიანის უფლებების მდგომარეობას შეეხება.

2026 წლის 17 სექტემბერს, გაეროს ადამიანის უფლებათა საბჭოს 63-ე სესიის ფარგლებში, საქართველოს მუდმივმა წარმომადგენელმა, რევაზ ლომინაძემ, მსოფლიოს 64 ქვეყნის სახელით, გააკეთა ერთობლივი განცხადება აუტიზმის სპექტრის მქონე პირთა უფლებების შემდგომი მხარდაჭერის მნიშვნელობის შესახებ.

2026 წლის 13 აგვისტოს, ჟენევაში გაეროს განყოფილებებსა და სხვა საერთაშორისო ორგანიზაციებში საქართველოს მუდმივმა წარმომადგენელმა, რევაზ ლომინაძემ შეხვედრა გამართა გაეროს ადამიანის უფლებათა უმაღლეს კომისართან ვოლკერ ტურკთან.

ქ. ჟენევაში, საქართველოს მუდმივი წარმომადგენლობის ინიციატივითა და ორგანიზებით, გაეროს ადამიანის უფლებათა საბჭოს 62-ე სესიის ფარგლებში, აუტიზმის მქონე პირთა უფლებებისადმი მიძღვნილი კულტურული ღონისძიება და გამოფენა გაიმართა, სადაც წარმოდგენილი იყო აუტიმზმის სპექტრის მქონე ახალგაზრდა ხელოვანების - კამრან ისრაფილოვისა და ფერნანდო ლოსანო მენდესის ნამუშევრები.

2026 წლის 31 მაისს-3 ივნისს, სამოქალაქო თავდაცვის საერთაშორისო ორგანიზაციის (ICDO) გენერალური მდივანი, არგუჯ ქალანთარლი ოფიციალური ვიზიტით იმყოფებოდა საქართველოში, სადაც შეხვედრები გამართა საქართველოს პრემიერ-მინისტრ ირაკლი კობახიძესთან, შინაგან საქმეთა მინისტრის მოადგილესთან გაგა კირკიტაძესთან. შეხვედრებს ესწრებოდა ქ.ჟენევაში გაეროს განყოფილებასა და სხვა საერთაშორისო ორგანიზაციებში საქართველოს მუდმივი წარმომადგენელი, რევაზ ლომინაძე. პრემიერ- მინისტრთან შეხვედრაზე საუბარი შეეხო უსაფრთხოების თვალსაზრისით გლობალურ გამოწვევებს და საერთაშორისო ორგანიზაციების ფარგლებში მჭიდრო კოორდინაციის მნიშვნელობას.