ქ. ჟენევაში, საქართველოს მუდმივი წარმომადგენლობის ინიციატივითა და ორგანიზებით, გაეროს ადამიანის უფლებათა საბჭოს 62-ე სესიის ფარგლებში, აუტიზმის მქონე პირთა უფლებებისადმი მიძღვნილი კულტურული ღონისძიება და გამოფენა გაიმართა, სადაც წარმოდგენილი იყო აუტიმზმის სპექტრის მქონე ახალგაზრდა ხელოვანების - კამრან ისრაფილოვისა და ფერნანდო ლოსანო მენდესის ნამუშევრები.
2026 წლის 31 მაისს-3 ივნისს, სამოქალაქო თავდაცვის საერთაშორისო ორგანიზაციის (ICDO) გენერალური მდივანი, არგუჯ ქალანთარლი ოფიციალური ვიზიტით იმყოფებოდა საქართველოში, სადაც შეხვედრები გამართა საქართველოს პრემიერ-მინისტრ ირაკლი კობახიძესთან, შინაგან საქმეთა მინისტრის მოადგილესთან გაგა კირკიტაძესთან. შეხვედრებს ესწრებოდა ქ.ჟენევაში გაეროს განყოფილებასა და სხვა საერთაშორისო ორგანიზაციებში საქართველოს მუდმივი წარმომადგენელი, რევაზ ლომინაძე. პრემიერ- მინისტრთან შეხვედრაზე საუბარი შეეხო უსაფრთხოების თვალსაზრისით გლობალურ გამოწვევებს და საერთაშორისო ორგანიზაციების ფარგლებში მჭიდრო კოორდინაციის მნიშვნელობას.
საქართველოს საგარეო საქმეთა სამინისტრო აცხადებს საგრანტო კონკურსს „ჩემი ქართული სკოლა“. საგრანტო პროგრამის მიზანია ქართული ენის სწავლების ხარისხის გაუმჯობესება, მოსწავლეების კულტურულ აქტივობებში ჩართულობის გაზრდა, საკვირაო სკოლების გაძლიერება სასწავლო მასალით და შემოქმედებითი რესურსებით, საზღვარგარეთ მოქმედი ქართული საკვირაო სკოლების მხარდაჭერა, საზღვარგარეთ საქართველოს დიპლომატიურ წარმომადგენლობებისა და საკონსულო დაწესებულებების ჩართულობით.
2026 წლის 5 მაისს, ჟენევაში, გაეროს განყოფილებასა და სხვა საერთაშორისო ორგანიზაციებში საქართველოს მუდმივმა წარმომადგენელმა, ელჩმა რევაზ ლომინაძემ, მონაწილეობა მიიღო საქართველოს გარემოს დაცვისა და სოფლის მეურნეობის სამინისტროს ინიციატივით გამართულ შეხვედრაში, რომელიც “საერთაშორისო მნიშვნელობის მქონე ჭარბტენიანი ტერიტორიების შესახებ” კონვენციის (რამსარის კონვენცია) სამდივნოსა და საქართველოს დელეგაციას შორის შედგა.
2026 წლის 30 აპრილს, ჟენევაში გაეროს განყოფილებასა და სხვა საერთაშორისო ორგანიზაციებში საქართველოს მუდმივი წარმომადგენელი, რევაზ ლომინაძე შეხვდა ჯანმრთელობის მსოფლიო ორგანიზაციის გენერალურ დირექტორს, ტედროს ადანომ გებრეისუს.
2026 წლის 30 აპრილს, საქართველოს მუდმივმა წარმომადგენელმა, რევაზ ლომინაძემ შეხვედრა გამართა მსოფლიო სავაჭრო ორგანიზაციის (WTO) გერალური მდივნის მოადგილესთნ, შიანგჩენ ჯანგთან.
2026 წლის 22 აპრილს, ქ. ჟენევაში გაეროს განყოფილებასთან და სხვა საერთაშორისო ორგანიზაციებთან საქართველოს მუდმივმა წარმომადგენელმა, ელჩმა რევაზ ლომინაძემ შეხვედრა გამართა საქართველოში გაეროს რეზიდენტ-კოორდინატორთან, დიდიე ტღებიუკთან.
2026 წლის 21 აპრილს, ჟენევაში გაეროს განყოფილებასთან და სხვა საერთაშორისო ორგანიზაციებთან საქართველოს მუდმივმა წარმომადგენელმა,რევაზ ლომინაძემ მონაწილეობა მიიღო ინტელექტუალური საკუთრების მსოფლიო ორგანიზაციის (WIPO) წევრ სახელმწიფოთა ასამბლეის 67-ე სესიაში, სადაც დამსწრე საზოგადოებას სიტყვით მიმართა.
საქართველოს საგარეო საქმეთა სამინისტრო აცხადებს დედაენის დღისადმი მიძღვნილ საგრანტო კონკურსს „ჩემი ენა ქართული“. კონკურსის მიზანია ქართული ენის სწავლების ხელშეწყობა და ქართული კულტურის პოპულარიზაცია, ასევე, დიასპორული ინიციატივების მხარდაჭერა, საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების აქტიური ჩართულობით.
2026 წლის 27 მარტს, გაეროს ადამიანის უფლებათა საბჭოს 61-ე სესიის ფარგლებში, წარდგენილი იქნა ადამიანის უფლებათა უმაღლესი კომისრის ზეპირი ანგარიში რეზოლუციის - "თანამშრომლობა საქართველოსთან" შესრულების შესახებ.
2026 წლის 26 მარტს, გაეროს ადამიანის უფლებათა საბჭოში, უკრაინის საკითხზე გაეროს ადამიანის უფლებათა უმაღლესი კომისრის ზეპირი მოხსენების ფარგლებში გამართული ინტერაქტიული დიალოგის დროს, სიტყვით გამოვიდა საქართველოს მუდმივი წარმომადგენელი, ელჩი რევაზ ლომინაძე.
2026 წლის 12 მარტს, ქ. ჟენევაში, გაეროს ადამიანის უფლებათა საბჭოს 61-ე სესიის ფარგლებში, უკრაინის საკითხზე გამართული ინტერაქტიული დიალოგის დროს, სიტყვით გამოვიდა საქართველოს მუდმივი წარმომადგენელი, ელჩი რევაზ ლომინაძე.
